Coma dous animais.

Tena sentada enriba, cando tira cara abaixo dos pantalóns previamente desabotoados e lle mete a man por baixo do tanga tentando poñela cachonda:

- Porca.

+ Só me queres pra foder. Non me toques. Nin se che ocurra porme a man enriba!

Ela parece enfurecida, el vaina bicar, e ela tórcelle a cara mentres sigue berrando:

+ Es un asqueroso. Dasme noxo, non te atrevas nin a mirarme! 

E frean o mundo por dous segundos, ficando un pra o outro, co sonriso de medio lado e como se alguén lles dese un sinal, ela abalanzase sobre el, mentres el segue quitando pezas de roupa cunha man e coa outra xoga a buscar xemidos. Como dous animais en celo, bícanse, e desnúdanse por completo. Agora falan entre susurros. 

- Es unha porca, pero a porca que mais tolo me ten. PUTA!

+ Son unha puta, meu amor; a túa puta.

Vólvense tolos, e fano como dous animais. Bícanse, reméxense, e xemen de placer. Ela empúrrao para poñerse enriba, e comeza a bicalo lentamente por todo o corpo. Cando chega ao lugar que estaba a buscar, mírao e sorrille, dese xeito que ten para facerlle comprender o que está a piques de acontecer (de todos xeitos, teríao entendido xa). Cóllea e dalle un bico e nota como todo el se estremece. Primeiro lento e suave, logo máis forte. Namentres, el adícase a acariciala, e tocala. Respira forte; tan forte que chega un punto que semella estar a piques de estoupar. Entón ela para, colócalle o preservativo e déitase debaixo. Agora tócalle a el, e non deixa que quede un recuncho do seu corpo de muller sen bicar ou tocar. Están cachondos. Él empúrraa para que non bata ca cabeza e déitase enriba. Ela anica as pernas e comeza o show. Remata o romanticismo, e o amor. Rematan as caricias e os bicos lentos e bonitos. Agora empeza a acción. Non aguantan mais. El amárraa polas cachas e métella ate o fondo, e ela berra. Berra do placer. Quere máis. Míranse coas frentes pegadas e os ollos tan abertos que parece que están a piques de sairlles do sitio. E foden. Foden como cadelos. Tanto as respiracións coma os latexos do corazón vanlle á par. Séntense un mesmo. Primeiro chega ela, e logo el. Rematan con mais caricias e bicos. El déitase no sofá, e ela séntaselle enriba. Míranse, e sen necesidade de deciren nada, bótanse a rir:

- Fodechona.

+ Porcón!

Non saben se é amor, ou se é certo que só se queren pra foder. Pero están ben así. Xuntos, agochados, pelexando e rindo ao mesmo tempo. Non se soportan, pero non soportan estar separados. Míranse de novo e danse un bico. Deciden descansar, así, calados. Non hai necesidade de dicir nada. Os dous saben o xusto e preciso.